آذربایجان ادبیاتی تاریخی – یئددینجی یوزایلده یازیلان سؤزجوکلر - 7

سلام، سئویملی قوروپداشلار، سیزلری اورک اائویندن سلاملاییب و یئنی ایلی تبریک ائده رک، برکتلی و قوتلو بیر ایلی سیز عزیزلریمه آرزولاییرام. چتین گونلری کئچیریریک. اؤزونوزدن موغایات اولون، بلکه تئزلیکله کرونانی دالدا قویوب، ساغلیق و باشاریلی گونلریمیزه چاتاق. آنجاق بوگونلری ائوده قالماقلا، فرصتی غنیمت بیلیب، آنادیلیمیزی، تاریخیمیزی و ادبیاتیمیزی تانیماق اوچون کتاب اوخویاق و معلوماتیمیزی آرتیراق، دیلیمیزی و ادبیاتیمیزی قرنطینه­ دن چیخارداق.

من کئچن دانیشیقلاریمدا آذربایجان تورک ادبیاتی تاریخیندن دده قورقود، قوتادغو بیلیک، علامه زمخشری نین مقدمه الادب کتابیندان، تاریخ فخرالدین مبارکشاه، گنجه لی نظامی نین تورکجه دیوانی، خواجه احمد فقیه تبریزی حاققیندا و هر بیرینه گؤره مستقل صورتده دانیشمیشام. بوگون 7جی عصرده یازیلان سؤزلوکلرده دانیشماق ایسته ییرم.