لوللوبی لر

لوللوبی لر

من کئچن دانیشیقلاریمدا لوللوبی لر حاققیندا دانیشمامیشام. لوللوبی یا لولولار آذربایجان توپراقلاریندا یاشایان ان اسکی ائتنوپولیتیک توپلولوقلاردان دیرلار. میلاددان 3000 ایل قاباق اورمو گؤلونون گونئییندن زاگرس داغلارینا بؤلگه لر ده یاشادیغی دوشونولن قوملاردان اولوشان خالق دیر. 2300 ایل میلاددان اؤنجه بیر قوم دولتی تشکیل ائتدیگی احتمالی وئریلیر. لوللوبی لر حاققیندا تارتیشمالار هله ده گئدیر. آذربایجاندا یاشایان و دولت قوران هورری لر و قوتتی لر اونلارا لوللوبی دئمیش و اونلارین دیلینده لوللو دوشمن و یاد یا اجنبی معناسیندادیر. بونا گؤره بیر سیرا تورکولوگلار اونلاری تورک اولدوقلارینا شوبهه ایله یاناشیرلار چدنکی آذربایجان دولت لری اونلاری یاد و بیگانه سایمیشلار. بونونلا بئله بیر سیرا تورکولوگ لار او جمله دن یوسف یوسف لوللوبی لری تورک کؤکنلی بیلیرلر. بونتلارین یانیندا بیر سیرا عالیم لرده لوللوبی لری لور طایفالارینا باغلاییرلار. البتده بو باخیشین بو یاخین ایللرده اورتایا گلمیش و علمی باخیمدان هئچ بیر سند یوخدور. تکجه بونا آرخالانیرلار کی اونلارین یاشادیقلاری توپراقلار لرستانا قدر اوزانیر و عئینی حالدا بیر سیرا مورخلر اونلارین دیللری ایله عیلام دیلی آراسیندا یاخینلیغی اینانیرلار. باشقا بیر موضوع دا بودور کی تاریخده اککدلر و آشورلار بوللو صورتده اونلارا حمله گتیرمیش و اونلاری اسیر ائده رک برده و کوله کیمی توتوقلاییب آپاریردیلار و لوللو یا لولو برده و کوله معناسیندا اولموشدور.

نارامسین زمانیندان اککد دیلینده بیر کتیبه قالمیشدیر. بو کتیبه 2300 ایل میلاددان اؤنجه یاپیلمیش،؛ 1200 ایل سونرا شوشا آپاریلمیش و بو کتیبه ده لوللوبی لردن آد چکیلمیشدیر. بوندان علاوه بو کتیبه ده بیر سیرا شهرلرین آدی او جمله دن: آلامو، آشورو، کاشو، قوتو و لولوبو آدلاری چکیلمیشدیر. بو آدلار بوگون دیلچی عالیم لر طرفیندن آراشدیریلاراق اونلارین التصاقی دیللردن اولدوغو اثبات حالینا گلیب چاتیر و بئله لیکله اونلارین پروتوتورک اولدوغو اینانیلیر. عالیم لر عیلامی دیللرینده دانیشدیقلاریندان یازیرلار، آنجاق لوللوبی لرین اؤزلریندن هئچ بیر یازی و اؤرنک الده یوخدور. بونا گؤره بو گونه قدر تکجه احتماللار اوزه ریندا نظرلر وئریلمیشدیر و اونلارین اورارتولار و هوریانی دیللرینه یاخین دیللری نین وارلیغی دا هله احتمال اساسیندادیر. آرتیرماق لازیمدیر کی بو کتیبه ده حرفلردن علاوه بیر سیرا شکیل لر ده چکیلمیشدیر و نارامسین نئجه لوللوبی لر و باشقا قوملارا حمله گتیریب اسیر ائتدیگی نمایشه قویولموشدور. بورادا ملکه نین ده شکیلی موجوددور.