سوسن نواده رضی... - آذربایجانین باشی ساغ اولسون

باشیمیز ساغ اولسون
اؤلوم آتی یوگرک اولور
بیر آن اؤنجه ائشیتدیگیمیز آجی خبره گؤره دگرلی یازیچی، شاعر و فولکلورچو، ائل بیلیمی مؤسسه‌سینین مدیره هئیتی‌نین رئیسی سوسن خانیم نواده رضی ایشیقلی دنیایا گؤز یومدو.
سوسن خانیم فارسجا و تورکجه گؤزل شعرلریله بیرلیکده فولکلور ساحه‌سینده ده بیر چوخ چالیشمالاری و یازیلاری اولموشدور. او فولکلورچو قادینلار گروپونون دا قوروجوسو و یؤنتیجیسی ایدی. کئچن ایلدن باشلایان کانسر ندنی ایله آیلار آغیر معالجه‌لره معروض قالمیش تبریز و زنجان شهرلرینده مختلف درمان مرحله‌لرین کئچیرمیشدیر. سون آیا قدر تام گوجلو روحیه ایله مبارزه ائتدیگینه رغما نهایت معروض قالدیغی خسته‌لیگین قارشیسیندا یئنیلرک الیمیزدن گئتدی.
بیز اؤزوموزو عزا صاحبی اولاراق تسلی آختاردیغیمیز حالدا اونون دگرلی اولادلاری، یاخین دوستلاری و عائیله سینه، هابئله بوتون آذربایجان کولتورونده چالیشان یازیچی، شعر و آراشدیرماجی دوستلاریمیزا باش ساغلیغی وئریریک.
ائل‌بیلیمی موسسه‌سی مدیریتی طرفیندن
علیرضا صرافی