اسحاق افندی زنجانی

اسحاق زنجانی صفویه دؤرونده یاشاییب – یارادان بیر شاعیردیر. ایندیلیکده اونون یاشاییشیندان الدن معلومات اولماسا دا، الیمیزدن ایکی الیازما واردیر. بیری اونون غزللرینی احتوا ائدیر و بؤیوک حجملی بیر دیوانی نین وارلیغیندان خبر وئریر و ایکینجی بیر مثنوی دیر. بو الیازمالار گؤسته ریر اسحاق گوجلو بیر غزل شاعیری دیر. مثنویسی ده طریقت مساله لرینه توخوناراق، اونون تصوف اهلی اولدوغونو بیلدیریر. بو ایکی الیازمایا آرخالاناراق، اسحاق زنجانی صفویه دؤرونده یاشایان و بؤیوک شاعیرلر اوجمله دن: خیالی، ذاتی، نجاتی و شوقی تبریزی ایله یاخینلیغینی اؤیرنمک اولور؛ آنجاق الیازمالارین هر ایکیسی ده اونونجو عصره عاییددیر و شوبهه ائتمه دن شاعیرین 10جو عصرده یاشاییب – یاراتماسینا اینانیریق. دیل اؤزه للیکلری ده بونو گؤسته ریر. آنجاق بیز بورادا ایندیلیکده نئچه غزلینی نمونه وئره رک، شاعیری معرفی ائدیریک. آرزو ائدیریک اونون حاققیندا معلومات الده اولانلار بیزه یاردیم ائتسینلر. بیز ده اونون شعرلرینه تقدیم ائده جه ییک. ایندی هله دؤرد شعرینی اوخویون:

1
هر زمان اول نرگس فتاّن مست
خنجر برّان الینده قان مست.
هی نه ظالمxadدیر شراب نازدن
بیر دم آییق اولمادی الان مست
گؤرهxadلی مشکین ساچین، میگون لبین
دل پریشان، عقل حیران، جان مست.
سرّ عشقی آشکار ائتدی گؤگل
گیزلو رازین ائدهxadمز پنهان مست.
بوسه انعام ائیله شاهیم، قوللارا،
بخشش ائیلر اولیجاق سلطان مست.
غنچه نین آغزین قوخولار ژالهxadلر
طُرفه بو کیم کیمسه گؤرمز جام الینده قان مست.
گلمک "اسحاقه" قو دردین آغلاسین
آغلاماق معزور اولور اولسا اگر یاران مست.
***
2
دلبریم گلشنی جنتده آچیلمیش گولدور
اهل جنّت گیبی، یارب، آنی هر دم گولدور.
قفس تندهxadکی دل مرغنی ای سرو سهی
آشیانی باشی اوستونده گؤرهxadنین گولدور.
زلف و خدیّن حرم حُسنه ایکی خادمxadدور
بیریسیxadنین آدی ریحان، بیریxadنین سونبولدور.
عشق بابینی تمام اصلی - فصلیله
بلبله سور کی گلستان اوخویان بلبلدور.
رُخی دورنده لبی فکرینه دوشمش "اسحاق"
نئیلهxadسون لازم اولان موسم گولده مُلدور



***
3
جام مئیی دوتمام لب جانانه برابر
لایق می بیر ایش ائیلیه سن قانه برابر؟
چکدیم نئچه مهرولری میزان خیاله
سنسن گؤرونن یوسف کنعانه برابر.
ای خوجه گل ]و[ مصره قیاس ائیله مه رومی
قول اوغلی اولور بونداکی سلطانه برابر.
مجنون کیبی دادلو ایچه لوم جامینی عشقین
حجتده گرک ایچیله پیمانه برابر.
بیلدیم سؤزونو نئیدوکن اسحاق بودور بو
بیر تازه غزل وار ایسه دیوانه برابر.
***
4
ایستهxadرم زاد غمین دلده فراوان اولسون
که جهاندن سفر ائتمک منه آسان اولسون.
گله ای بو گئجه صحبت خاص ائیلییهxadلیم
بیر سن اول، بیر ده همان دیدهxadی گریان اولسون.
گتدی بیزدن سنه شیمدی گئری قول اولدی گؤگل
الیمیزدن نه گلور باشینه سلطان اولسون.
گئجه – گوندوز رخ جانانه نهxadدن بونجه حسد
ای گونش وار نه سن اول، نه مه تابان اولسون.
لعلین اؤپدم او یئتوب نازیله دلدار دئدی
هله اسحاق یوری وار بو دخی احسان اولسون.