ائل بیلیمی - زنگان آشیقلاری

ائل بیلیمی نین ۹۱ و ۹۲جی ساییلاری یاییملاندی. اونون اؤزل ساییسی اولان زنگان آشیقلاری دا اونونلا برابر ۲۸۰ صفحه ده ائل بیلیمی مؤسسه سی طرفیندن چاپ اولوب یاییلدی. بو کتابین اؤن سؤزونو بیرگه اوخویالیم:

الینیزده اولان بو مجموعه، بیر دسته جمعی ایشین سونوجودور. ۱۳۹۵ ایلینده “زنجان موسیقی انجمنی” و “خمسه آدینا مدنیت ائوی”نین اورتاق فرهنگی اوتوروملاریندان عمله گلن بیر اثردیر. بو اوتوروملار هر ایکی هفتهxadدن بیر، زنگانین “امام خمینی (ره) فرهنگسراسی”ندا “آشیق ادبیاتی و موسیقیxadسی” عنوانی آلیتیندا قورولوب و آلقیشلارلا اوز – اوزه گلدی. بو اوتوروملارین دوراندیرانلاری، آقالار: آشیق محمد نجفی، آشیق منوچها نجفی و م. کریمی اولاراق ۱۵ اوتوروم تشکیل تاپدی و بو اوتوروملاردا: آشیق ادبیاتی، تاریخی، شعر فورمالاری، شعر بزهxadکxadلری، داستانلار، آشیقلارین تانیتیمی و آشیق ادبیاتی ایله ایلگیلی بیر چوخ موضوعلار بحث اولوندو. بورادا شهریمیزین آشیقلاری، یازیچیلار، شاعیرلر و بیلیم یوردلاریxadنین اوستادلاری اشتراک ائتدیلر. نهایت الینیزده اولان اثری، بو اوتوروملاردان توپلانان معلوماتین بیرینجی بؤلومو اولاراق تقدیم ائدیریک.

آنجاق بو اثری توپلاماقدا تکجه بو اوتوروملارا کیفایتلنمهxadییب، بلکه آشیقلارلا اؤزل اوتوروملاریمیز دا اولدو. زنگان، خرمدره و ویستاندا هر دؤنه ۳۰ – ۴۰ آشیق و هوسکارلار بیر یئره توپلاندیق و آشیقلارین اورهxadک سؤزلرینی ائشیدهxadرک اونلارلا تانیشلیق قازاندیق. گؤزهxadل صحنهxadلره ده شاهید اولدوق. آشیقلار آراسیندا حؤرمت، آغ ساققاللیق، فرهنگیمیزین جانلی و گوونمهxadلی آنلارینی گؤردوک. هر نه قدر بیر آشیق اوستاد اولوردو، باشقالارینا آرتیقراق حؤرمت گؤستهxadریردی. سفرهxadلریxadنین آچیقلیغی، قوناق سئوَرلیک، بؤیوک – کیچیک حؤرمتی و انسانلارا سایغینی بورالاردا داها جانلی صورتده گؤرمک اولوردو.

بو اثری یاراتمادا یاخیندان امکداشلیق ائدنلر بونلار اولدو:

آشیق محمد نجفی

دده آشیق گلابعلی داوودبیگی

منوچهر نجفی

علی احمدی (وولکان)

آشیق التفات داوودبیگی

بو یازیلاری دا دوزوب – سهمانلادیم. شوبهه یوخدور کی آخساقلیقلار واردیر. بورادا یوزدن آرتیق زنگان آشیقلاری گئچن ۵۰۰ ایل عرضینده اولان آشیقلاریمیزی تانیتدیرمیشیق. آنجاق بیر سیرا آشیقلار یئرده قالیب، اما ایش هله قورتولماییبدیر. گلن ساییدا “زنگان آشیق داستانلارینی” تقدیم ائدهxadجهxadییک.

درین سایغی ایله: م. کریمی