ادبیات ترکی در زنگان

زنگان بؤلگه سی، خمسه آدلاناراق، آذربایجانین ادبیات اوجاقلاریندان بیری اولموش، 700 ایلدن آرتیق تورک ادبیاتی نین زنگین و آلیشقان اوجاقلاریندان اولموشدور. بو بؤلگه، مولانا عتیقی زنگانی، شیخ شهاب الدین سهروردی، مولانا همتی انگورانی، خواجه اسحاق رضایی زنجانی، نرگسی ابهری، ابوالقاسم زنگانی، کاظم خوئینی (جاذب)، حکیم هیدجی، و مینلرجه اوچ دیللی شاعیرلرین یوردو اولموش؛ آما تورک دیلی و ادبیاتی اونلارین یارادیجیلیقلاری نین اساس بؤلومونو اؤزونه باغلاییر. بو کتابدا اونلارجا تورک یارادان زنگان بؤلگه سی نین اثرلریله تانیش اولوروق و شعرلریندن اؤرنکلر وئریلیر. اونودماییریق کی بوگون ده زنگان تورک ادبیاتی نین آلیشقان اوجاقلاریندان دیر و یوزلرجه گنج شاعیرلر، اؤز سلف لری کیمی تورک دیلینده یازیب – یارادیرلار.

بو کتابدا ادبیاتدان اؤنجه زنگانین تاریخی حققینده ده معلومات وئریلیر و یانلیش باخیشلاری دا تنقیدی صورتده آراشدیریر. ماننالارین مدنیت مرکزی، مختلف دین و ایناملارین مرکزی اولان زنگان، کئچن یوزایلده سهو باخیشلارا دا اوغرامیش و غلط معلومات یاییلمیشدیر. دیلیمیزین یاساق اولدوغو، تاریخیمیزین ده ییشمه سینه ده یول وئرمیشدیر.

بو کتاب چالیشیر تاریخی و ادبی قایناقلارا آرخالاناراق، ان آزی ادبیات و دیلیمیزین بیر بوجاغینی آچیقلاسین.

کتاب 200 صفحه ده اختر نشریاتی طرفیندن تبریز کتاب سرگیسینده ساتیشا قویولور.