گونش آذربایجاندان ساچیلیر – 2

گونش آذربایجاندان ساچیلیر – 2

دیلیمیز و آذربایجان وارلیغینا خیانت ائدن لر

دانیشیق متنی

م. کریمی

19/04/1401

سلاملار عزیز دوستلار، گؤرکملی آذربایجانلی لار! بوگون "گونش آذربایجاندان ساچیلیر" عنوانلی دانیشیقلاریمیزدا دیلیمیز حاققیندا دانیشاجاغام. دوستلار بیلیرسینیز بوگون مئدیالاردا بئله طرح اولور کی سیاست ده عینا تجارت کیمی عرضه و تقاضایا باغلی دیر. دئییرلر ایراندا ملت لر اعتراضلار ائتمیشلر، آما تقاضا وئرمه میشلر!؟ عینی حالداکی بو سؤز گولونج دور، یعنی 43 ایل یوخ، بلکه 77 ایل بوندان اؤنجه ملی حکومتینی قورموش و اوندان سونرا دا سیناغا اوغراییبسا دا همان ایستک لری دؤنه – دؤنه سسله ییبدیر. آنجاق بوگون آذربایجان ایستک لری اؤز فونداسیونو – بینؤره سی اوزه رینده علمی صورتده مطرح ائتمیش و بوگون ده همان بینؤره نی محکملتمه ده دیر. بو بینؤره دیل، ادبیات، تاریخ، کولتور، توپلراقلاری، اقتصادی اوستونده دایانیب، بونا گؤره ده بیز بو بینؤره نین تمامیتینی علمی صورتده اعلان ائدیب و ملی فعاللاریمیز دا اؤز سیاسی ایستک لرینی بو چرچیووادا ایره لی آپاریرلار. آزادلیق، عدالت، ملی حکومت شعاری ایچینده بو دوشونجه تمامیله عیاندیر.

آذربایجان دیلی تورکجه اولموش، بو دیله باشقا آدلار قویماق داها گولونج ساییلیر. آما بیلیریک یوز ایلدن آرتیقدیر کی سیّاسلار، استعمارا و دیکتاتورلوغا باغلی اولان ایدئولوگلار تامام یازیلاریندا ضدبشری دوشونجه لری: راسیسم، آرخائیزم و اؤزونو اوستون گؤرمک له باشقالارینی آلچاقلاتماغی اورتایا آتمیشلار. بوگون بونلارین سیماسینی داها آرتیق تانیتدیرماغا چالیشاجاغام.

عزیز دوستلار، آذربایجانا خیانت او گوندن باشلاییر کی انگلیس ایرانا آیاق آچیر. البته بیلیرسینیز اوروپا ایله ایلگی، تاریخیمیزده اوزاق زامانلارا گئدیب چاتیر؛ آما ایران داخیلینده و سیاستینده دخالت و فضوللوق امکانی وئریله ییردی. فراماسونری یارادیلدیقدان سونرادیر کی استعمار هر ایشده دخالت ائدیر و اؤز جاسوسلاری طریقیله سیاست لرینی ایره­لی سورور. تاریخ گؤسته-ریر انگلیس صفویه – قزیلباشلار زامانیندا و نادرشاه زمانی باجارا بیلمه­دی بیر خطا ایشه قیپ قویسون. آما زندیه زمانیندان – البته ایرانین بیر بالاجا بؤلگه سینه حکومت ائدیردی – تامام ایشلرده دخالت ائدیر. همان وکیل الرعایا عنوانیله تعریفله­نن شاه یا وکیل دؤورونده انگلیش ایراندا اؤزونه یئر آچیر. سیزدن ایستردیم بو ساحه ده بو کتابی اوخویون: (اسماعیل رائین، فراموشخانه و ماسیونری در ایران، 3 جلد، 1357، چاپ سوم، ص 15). قاجار زامانیندا آقامحمدخان هئچ زامان اونلارا قد آچما اجازه سی وئرمه دی، آما فتحعلیشاه زامانیندا صدراعظم لرین سئچیلمه سی ده اونلارین الینده اولور. عباس میرزانین هشیارلیغی اونلارین دسیسه لرینی پوزوردو، آنجاق داها گوجلنمیشدیلر. بورادا تکجه امیرکبیر باجاردی اؤزونو قوروسون و انگلیسین آیاغینی ایراندان کسسین و نهایتده ده اونلارین توطئه سیله اؤلدورولدو. اسماعیل رائین بو اثرینده، 7 فراماسوندان آد چکیر: باشدا سر جان ملکم دایانیر. سونرا سر ویلیام جونز / سر رونالد نیکولسون / سر هنری راولینسون / سر ادوارد براون / سر توماس والکر آرنولد / سر ادوارد دنیس راس.

بو 7 فراماسون ایران­شناسلیق علمینی میدانا گتیریرلر و ایران حاققیندا کتابلار یازیب - ادیب لر تربیه ائدیرلر. بونلارین الی آلتیندا محمدعلی فروغی، محمود افشار / کسروی / مستوفی / عارف / سعید نفیسی / عباس اقبال آشتیانی / بدیع الزمان فروزانفر/ جلال الدین همایی / ملک الشعرای بهار / سید محمد محیط طباطبایی / محمد قزوینی / احسان یارشاطر / جمال الدین فقیه / رشید یاسمی کیمی لر تربیت اولونور و اساس فیکیرلری ایرانی فارسستان ائتمکدیر، ایراندا فارس دیلیندن سووای باشقا دیللری آرادان آپارماق، اؤزللیکله تورک دیلینی یئرلی – کؤکلو نابود ائتمکدیر. پرشیا آدینی ایرانا وئردیکده مقصدلری ایرانی فارسستان ائتمکدیر. اونلار تورک سویلو قاجارلاردان محکم سیللی یئمیش، بوندان علاوه تاریخ بویو تورکلردن نفرت تاپمیشدیلار. بونون دا نه دنلری بللی دیر. بیلیرسینیز تاریخده تورکلر اوچ دؤنه اوروپانین قلبینه دک گئدیب و فتح ائتمیشلر، مته خان 176 ایل میلاددان اؤنجه، میلادین بئشینجی یوزایلینده آتیلا، و سونرا دفعه لرله سلجوق سلطانلاریندان شکست یئییب و نهایتده سلطان محمد فاتح قسطنطنیه - استانبولو آلمیشدیر. بونا گؤره تورکلردن قورخو اوروپالیلارین جانلارینا اوتورموش و اونلارا نفرت تؤرتمه، دینلرینده و سیاستلرینده یئر آلمیشدیر. حتا گوتیک دؤورونده کلیسالاردا دوعالاری بو اولموشدور کی: بارالهی، بیزی تورکلرین شرّیندن قورتار! ایندی قاجار دؤورونده فرصت اله کئچیردیکده بو نفرتی تکمیللشدیرمک ایسته ییرلر. وزیر سئچه بیلیرلر. آغیر هدیه لر، رشوه لرله اونلاری اؤز طرفلرینه چکیرلر. آغیر قراردادلار – مقاوله لر یازدیریرلار.

بورادا بیر مساله ده وار: اونلار، استعمارچی ماسونرلر ایرانا – فارس حکومتینی گتیرمکده، اونا شناسنامه یازیرلار. بو شناسنامه گرکدیر پوفلنمیش، شیشیرتمیش بیر تاریخه مالیک اولسون. 2500 ایللیک تاریخ یازیلمالی دیر. بو 2500 ایل قوندارما اولورسا دا، هئچ بیر سند و قایناغا دایانماسا دا، او قدر یالانلار بؤیوک اولمالی دیر کی شوبهه ائدن لر ده شوکدا قالمالیدیرلار. البته منیم هله لیک بو قونویلا ایشیم یوخ، آنجاق یئری گلدیکده بو تحریفلر و یالانلاری آچیقلایاجاغام. بو تاریخی دؤنمده شعوبیه چی لر فارس طایفاسینا – نژاد دئییل بلکه بیر نئچه طایفادان عبارت بیر قبیله لردیر – تاریخ یازیرلار، حقیقی تاریخی – وار اولان اولایلاری سیلیب و یا تحریف ائدیرلر، اونلارا ان اسکی زامانلارا باغلایان آبیده لر قورورلار، حتا منشور حقوق بشر تاپیسرلار. بونونلا برابر باشقا دیللی، مدنیتلی، و درین کؤکلو انسانلاری آلچاقلاتما مقصدیله سیاسی حرکتلری باشلاییرلار. بو حرکت استعمارین ترور سیستمی له بیرلشمه لی دیر و بیر دیکتاتور لازیمدیر. او دا وار: سپهسالار رضاخان. ائله بیر داردان قیریلمیش دانا کیمی شهرتباز، جاه طلب و زوراکیلیقدا امتحان وئرمیش بیر قولدور. استعمارین مالی یاردیمی و ساختا نظریه لریله تختده اوتوردورولور. انگلیس کابینه سی قورولور و کابینه ده اولانلار هامیسی بیر فیکگیرده، بیر سیاستی ایره لی آپارمادا و نوکرلیکده بیرلیکلری واردیر. محمدعلی فروغی و اونون کابینه سی. هامیسی اویدورولموش، نژادپرست، پول و شهرن پرست و نوکرصفت. بونلار گرک راسیسمی، آرخائیزمی و ناسیونالیزمی ایراندا یئرلشدیره لر. حقوقلارینی دا استعمار اؤده ییر – البته ایران ملتی نین جیبیندن.

اسماعیل رائین ین باشقا بیر کتابی دا "حقوق بگیران انگلیس در ایران" واردیر (حقوق بگیران انگلیس در ایران، چاپ نهم، 1372). بورادا میرزا ابوالحسن خان ائلچی دن توتوب بوگونه قدر انگلیس مأمورلارینین بیر سیراسینی تانیتدیریر. البته بو لیستی بوگونه قدر داوام ائتمک اولور. بورادا دا گؤروروک حتا فتحعلیشاه، ضعیف بیر شاه اولدوغو حالدا انگلیسین آیاغینی کسمک اوچون سیاست لر آپاریر. آما روس و انگلیسین بیرلیگی، و شاه سارایی نین ضعیفلیگی سبب اولور بیر چوخلو دولت آداملاری و سونرا ادیبلر انگلیس مامورو کیمی فعالیت ائده بیلسینلر. بو دوروم رضاشاه دؤورونده داها گوجلو صورتده داوام ائدیر. باشقا سؤزله دئمک ایسترسک مدرن شعوبیه گوجله نیر. قاجارلارین – اؤزللیکله ناصرالدین شاهین سون ایللرینده استعمار و باشدان انگلیس اؤز فراماسونرلریله آرایا گلیر. شعوبیه نی گوجلندیریر. شعوبیه فارسلارین شوونیستی تشکلیلاتلاری دیر. تاریخده بو دؤنه استعمارین ترور سیستمی، مالی یاردیمی و ساختا نظریه لریله اؤزونه یئر آچیر. ظاهرده مدرنلشدیرمه عنوانی آلتیندا – آرخائیزم (باستانگرایی)، اؤزونو باشقالاریندان اوستون گؤرمک و "بیر دولت – بیر ملت" تئوروسونا آرخالاناراق یانلیش نظریه لر اورتایا آتیر. فارسلارین دیلینه تاریخ یازیر، وار اولان تاریخی فارسلارین نفعینه باشدان یازیر، باشقا ملت لری اؤزللیکله تورکلری گئری قالمیش، کؤچری و دونیادان خبرسیز، عئینی حالدا گوبود – خشن و وحشی، سونرادان گلمه – موغوللار گوجو ایله گوجلنمیش و ادبیاتی اولمایان، هابئله اویدورما و توهینلرله دولو سؤزلرله میدانا گلیر، اونلارا گولونج ایله توخوناراق میداندان چیخارماق، و بئله بئله یوللارلا هم آذربایجان و قالان ملت لرین ادیبلرینی اؤزونه طرف چکیر، هم اؤزونو شیشیردیر. غیرفارس ادیب لر ده تهدید، توهین و تحقیرلردن قاچماق اوچون اولورسالار دا اؤز کیملیک لرینی بوشلاییب، اونلارا قاتیلماغی اؤزلرینه مصلحت بیلیرلر.

بئله لیکله یانلیش بیر تئوری میدانا گلیر، اونون ستونلاری - دیرک لری کئچه جه یه آرخالانماق، کئچه جه یی یالان – پالان اوزه رینده قورماق و تاریخی تحریف ائتمک، بیزیم دیلیمیزی انکار ائتمک، ادبیاتیمیزی دانماق، کولتوروموزو یاساقلاندیرماق، و بئله - بئله حرکتلرله گوجله نیر. بو تئوری نین اساس روکن لری چوروموش و لاخلایان بیر ستونلاردیر و بوگونون دوشونجه لریله اوخونماز ساییلیر، راسیسمی دونیا خالقلاری محکوم بیلیر، آرخائیزم یئرینه مترقی قانونلاری اوستون بیلیر و انسان سئورلیگی گله جک اوچون فایدالی و دوزگون ساییر.

ایندی بو تئورونو گتیرنلری و خالقیمیزا – معنوی ثروتلریمیزه دوشمن چیخانلاری تانییاق:

میرزا ملکم

بلکه ده مشروطه انقلابیندان اؤنجه و فراماسیونرلرین رهبری ایراندا میرزا ملکم و یا داها دوغروسو سر جان ملکم اولموشدور. او، انگلیس سیاستی ایله تربیه اولموش، سیاستین آلچاق – اوجاسییلا تانیش اولموش و انگلیس سیاستینه ایراندا و دولت آداملاری و بیلگین لر ایچینده یایماغا باشلامیش و انگلیس نظریه لرینی تبلیغ ائتمیشدیر. اونون آدی ضیالیلار آراسیندا دا گئتمه ده دیر. او، فراماسیونلارین تشکیلینده بؤیوک چابالار و باجاریقلار گؤسترمیش و نهایتده بیر بؤیوک قوروپ تربیه ائده بیلمیشدیر.

انگلیس سیاستلری اوجوباتیندان قاجار دولتی ییخیلیر و پهلوی شاهلیغی کودتا ایله ایش اوسته گلیر. ایندی چاغداش شعوبیه یارانمالی دیر. تورکلردن اولان مین ایللیک بیر عقده پاتلاییر، حکومت تورک خالقی نین الیندن چیخیر و فارس دولتی ایش اوسته گلیر. بونون اوچون یوز ایله یاخین تدارک گؤرولموشدور.

ملکم خان، آقاخان و باشقا افراطچی فارسچی لار، باستانگرالار میدانا گلمه لی ایدی. حسین کاظم زاده (ایرانشهر)، محمّدخان قزوینی، محمّدعلی فروغی، عارف قزوینی، ملک الشّعرای بهار، رشید یاسمی، مشفق کاظمی، سیّداحمد کسروی، محمّدعلی جمال زاده، عبّاس اقبال آشتیانی و باشقالاری بو حرکتی تئوریزه ائتمه لی دیلر.

البته بونلارین یانیندا و حتا باشیندا آذربایجانلی لارین اولماسی سیاستده اساسلیق داشییردی. بو دا یئنه انگلیس سیاستی دیر. بئله لیکله احمد کسروی، ارانی، حسن تقی زاده و باشقالارینا داها آرتیق میدان آچیلمالی ایدی تا نوکرلیکده خدمت ائده بیله لر. و بونلارین دالیجا گلن لر اولدو: محمود افشار یزدی، محمّد مقدّم، پرویز ناتل خانلری، یحیی ماهیار نوّابی، ذبیح الله بهروز، ابراهیم پورداود، صادق هدایت، محمّدرضا شعار، سعید نفیسی، مجتبی مینوی، ایرج افشار، ذبیح الله صفا، منوچهر مرتضوی، عبدالحسین زرین کوب، و باشقالاری شوونیسم چراغینی یاندیردیلار. بونلار گرک ایدی تاریخده تورکلری پیسله سینلر، فارسلارا جعلی بیر تاریخ یاراتسینلار. نه قدر یاخشی اولاردی مستشرقلر بونا زمینه یارادایدیلار. بو، بیر بؤیوک آرزو ایدی. بو دا ادوارد بروان و یولداشلاری – همان 7 فراماسونر الیله یاراندی. بو نوکرلر ده اونون اوجاغینی پوفله مه یه باشلادیلار. کوروش، داریوش میدانا گلدی. تاریخ تحریف لری گوجلندی، هر یئرده گیرده قالدیلار همین فراماسونرلر اونو حل ائتدیلر. نئجه کی بوگون ده شاهیدیک: ادیبلریمیز هر یاندا قالیرلار اونلارین – ادوارد براون یازیلارینا مراجعتله باشقالاری نین آغزینی باغلاییرلار. ساسانی حکومتینی ایرانشهری تانیتدیریب، تورکلری وحشی، کؤچری، گئری قالمیش و مدنیتدن اوزاق بیر قبیله و عشیره کیمی گؤستریرلر. هئچ بیر تاریخی سنده – قایناغا دایانمادان ادعالار یارانیر.

بورادا تورک ملتی هامیدان اؤنجه هدف ساییلیر. گرک ایدی تحقیر، توهین و آلچاقلاتماقلا تورکلری میداندان چیخارماق. البته باجاردیلار و بیر سیرا آلچاق آداملار دا بو سیاسته اویوب - اؤزلرینی تورکلوکدن قیراغا چکدیلر. بئله اولدوقدا همین ساتقینلار یاراندی. مانقوردلار میدانی آلدی و بوگونه قدر ده نوکرلیک پرچمینی الده ساخلاییبلار. البته بونون اوچون دیکتاتورلوق، زوراکیلیق، تحقیر، توهین و تهدید لازیم گلیردی. رضاشاه طریقیله بو ایش یئرینه یئتیریلدی. البته بو سیاست تکجه تورکلر اوچون محدود اولمادی، بلکه ایرانین باشقا ملت لرینی ده آلچاقلاتماغا داوام ائتدیلر، رشتی لی لری غیرتسیز گؤسترمکله آغیزلارین یومماغی ایسته دیلر، عربلری سوسمارخوار دئیه رک میداندان چیخارتدیلار و قالان خالقلاری دا هابئله. بونون قارشیندا فارس دیلی، تاریخی و ادبیاتینی دا شیشیرتمک لازیم ایدی. شاهنامه نی عَلَم ائتمک و اوندا تحریفلر اورتایا گتیرمکله. ترک، عرب، کورد، بلوچ و تامام ایراندا اولان خالقلار اؤلمه یه محکومدورلار. یالان مدنیت لر – هخامنشی، ساسانی بؤیودولمه لی دیر! تاریخ یالان ایله پالانلاندی بلکه ساسانی حکومتینی ایرانشهری تانیتدیریب، تورکلری وحشی، کؤچری، گئری قالمیش و مدنیتدن اوزاق بیر قبیله و عشیره کیمی گؤسترسینلر. بئله لیکله انگلیس استعماری، رضاشاهین دیکتاتورلوغو ایله ال بیر اولوب آذری بازلیغی باشلادیلار.

بورادا فارس دیلینی اؤیرنمک و تامام دیللرین یئرینه تکجه فارسی نین ایشله دیلمه سی فرمانی وئریلیر. بو فرمان 1302ده رضاقولدور – هله سردار سپه اولاراق صادر اولور. هله احمدشاه اؤلکه نین پادشاهی دیر. کودتا اولوب و رضاشاهین شاهلیغینا زمینه یارادیلیر. 1309جو ایلده فارس دیلی مملکتین رسمی دیلی اعلان اولور. تامام تورکجه کتابلار، تئاتر و یازیلار توپلانیر. چاپخانالارا تورک کتابلاری نین چاپی نین یاساق اولدوغو اعلان اولور. مدرسه لرده تکجه فارسیجا دانیشیلمالی اولور. اداره لرده دانیشیقلار دا یازیلار کیمی فارسیجا اولمالی دیر. 1309جو ایلده یوزلرجه بئله بئله دستورلار، بخشنامه لر و امریه لر بوگون موجوددور. تورک دیلی یاساق اولور. تفنگ اداره لرده قورولور. استعمارین – انگلیسین باشقا فرمانلاری یولدادیر. رضاخان شاه اولوب – اولمامیش، نفت مقاوله لری انگلیس ایله یازیلیر. 1919 قراردادی احمدشاه طرفیندن قبول اولمادیغینی بیله رک، همین قرارداد تمدید آدییلا 60 ایللیک بیر مقاوله باغلانیر. دیکتاتورلوغون یئنی بیر مرحله سی باشلانیر. رضاخانین کابینه سی ده بوتون بو سیاست لری ایره لی آپارمالی دیرلار. بونلارین نئچه سینی و گؤردویو ایشلرله تانیش اولاق:

محمّدعلی فروغی

بو ناسیونالیست عالیملر! فروغی کیمی لر پهلوی سلطنتینی توجیه ائتمه یه مجبورایدیلر. اونا گؤره قاجار سولاله سینی پیسله مک گرک ایدی. هر نه یامان – یوغور واردیرسا یاغدیرماغا چالیشدیلار. تهمتلر ووردولار. رضاشاهی بیر منجی کیمی تانیتدیریرلار. بو تکلیف فروغی نین بوینونا قویولدو. چونکی فروغی مستقیم صورتده انگلیس الیله بؤیوموش، تربیه اولموش و ایندی ده نخست وزیرلیک عنوانیله ایش اوسته دایانیلمیشدیر. او اوتانمایاراق اؤزونو بشر حقلری نین طرفداری اولدوغونو دا ادعا ائدیردی (مقالات فروغی، ج 1، ص 175). اما حقیقتده فارس اؤلولری نین چوروموش سوموکلرینه فخر ائدن لردن بیریسی ایدی. اونون داماریندا سویچولوق قانی دولانیردی. هم فارسلاری بؤیوتمک، باشقا ملتلری آلچاقلاتماق و سویچولوق دوشونجه لرینی تعریف ائده رک قان تؤکن شاهین – استعمارا باشی باغلی رضاشاهی منجی تانیتماق اونون بوینوندایدی. تام ریاکارلیقلا رضاشاهی مدح ائدیب و قاجارلارا قارشی یازماق، عئینی حالدا اوروپانی علم و فلسفه – حکمتدن یوکسلتمک اونون ایشی اولدو.

« ملّت ایران می داند که ذات شاهانه با آنکه وظیفۀ خود را نسبت به وطن بطور وافی و اکمل قبلاً ادا فرموده اند و پس از تحمّل این همه سختی ها و به کار بردن آن اندازه مساعی بر حسب قاعده حقّاً برای وجود مبارک نوبت استراحت و فراغت رسیده؛ معهذا آن ضمیر منیرانی از خیال رعیّت آسوده نیست و دائماً در فکر بهبودی احوال آنان است و اگر هر آینه بواسطۀ موانع طبیعی با فقدان وسایل و اسباب در انجام منظور همایونی راجع به اصلاح امور مملکتی اندک تأخیر و تأنّی حاصل شود، خاطر مقدّس مکدّر و قلب مبارک متألّم می گردد. » (مقالات فروغی، ج 2، ص 234). رضاشاه دا دستور وئرمه ده الی آچیقدیر، هم فراماسونرلر و هم انگلیس دولتی دالیندادیر. غیرفارسلار – اؤزللیکله تورکلر آرادان گئتمه لیدیر. یولون گئتمه نقشه سی ده وئریلیر: باستانگرایی (آرختئیزم)، نژادپرستی (سویچولوق، راسیسم) و فارسیزه ائتمک.

هامی بیلیر پهلوی حکومتی نین کودتاسیلا تورکه قارشی دوشمنچیلیق باشلاییر. قلم وورانلار دا حکومتدن انعام آلماق اوچون، اؤز دوشمنلیک لرینی گؤسترمک اوچون وار-گوجلریله میدانا گلمیشلر. ایندی بو انسانلار قارشینا چیخان ادیبلر، تئوریسینلری تانیماق گرک! بونلارین باشیندا محمدعلی فروغی، و اونون کابینه سی نین وزیرلری تانینیر. سونرا محمود افشار دایانیر. بونلارین هامیسی نین فیکرینده ضدانسانی و بشریته قارشی سؤزلری بوللو-بوللودور.

محمود افشار یازیر: تورک دیلینی آرادان آپارماق گرک. او سؤزونه بئله آرتیریر: «باید حتماً این کار به دست خود آذربایجانی‌ها صورت گیرد، چه آنان که در آذربایجان سکونت دارند، چه آنها که در تهرانند، یا مانند من نسلی بر آنها گذشته که در شهرستان‌های دیگر متوقفند.» ( زبان فارسی در آذربایجان ، ج ۱ ، ص ۲۹۰ ) گؤرورسونوز بو دا اینانیر کی تورک دیلینی آرادان آپارماق اوچون آذربایجانین اؤز ایچیندن بونا قاتیلماق گرکدیر. اونا گؤره ده سیاست بئله سئچیلیر، آذربایجانلی اولان فعال و استعدادلی یازارلار، ادیبلر بو یولدا چالیشماغا چاغریلیر و انگلیس ده بونون دالیندا دایانیر.

بئله بیر پیشنهادین نه­دنی اوّلدن چوخ آیدین ایدی. بیلیردیلر بو سیاستی ایره لی آپارماقلا حتما اعتراضلار و مقاومتلرله اوز - اوزه گله جکلر. بس بو دیره نیش و اعتراضلاری آزالتماق اوچون آذربایجانلی لارین اؤز الیله بو ایش گؤرولمه ایدی. همین محمود افشار اوتانماز - اوتانماز یازیردی: ـ «نگارنده با آموختن پنج دقیقه زبان ترکی هم در هر مدرسه یا دانشگاه آذربایجان مخالفم.» ( همان ص ۲۸۸ )

بونونلا برابر، انگلیسلی فراموسونرلر ایراندا فعالیته باشلاییر، تاریخ، ادبیات و دیلیمیز حاققیندا تحریکاتا کئچیرلر، فارسلار اوچون تاریخ یازیلیر، کشف ائدیرلر!؟ فارس ادبیاتینی شیشیرده رک تورک دیلینی، تاریخینی و ادبیاتینی فارس ادبیاتی ایچینده حل ائتمه یه چالیشیرلار. بو سیاستین دالیجا آذربایجانا ان خائن اولان بیرینی – عبدالله مستوفی نی استاندار عنوانیندا گؤنده ریرلر.

عبدالله مستوفی ان ییرتیجی و کثیف آداملارین بیری دیر. اونون دیلی زهرلی، کثیف و زوراکیلیق دیر. آذربایجان استانداری اولور. بو زامان تبریزین تمیز و صاف بوغدا و اونونو صادر ائدیب، خراب و کوفگرمیش اون وارد ائدیر. تبریز اهلی اعتراضا قالخیر. مستوفی تفنگ گوجونه متوسل اولور. اوندان داها پیس، ائتدیگی توهین لردیر کی تبریز اهلینی اینجیدیر. تبریز اهلی دئییردی بو بوغدا و اونلار او قدر پیسدیر کی آتلار دا یئمیر. او دئییر: "باکی نیست؛ حالا که اسب های ارتش نمی‌خورند؛ می‌دهم خرهای تبریز بخورند." بئله قانمازلاری آذربایجانا حاکیم قویورلار.

عبداللّه مستوفی( ۱۲۵۵- 139) 1312جی ایلده استاندار اولور، بیر ایل سونرا گئدیر. آما همین بیر ایلده چوخلو غلط ایشلر گؤرور و آذربایجانلیلار بو خائنی هئچ بیر زامان اونودانمادی. آنجاق اونون بیر ایللیک استاندارلیغی، تورک دیلینی نابود ائتمه ده بؤیوک رولو اولموشدور. چوخ گستاخلیقلا داورانمیش و تبریز اهلینه ان چیرکین توهینلر ائتمیشدیر. رضاشاهین نوکرلری ده اؤزونه تای شرفسیز اولدوقلارینی اثبات ائتمیشلر. بئله آداملارین وارلیغی دیر کی 1320دن سونرا آذربایجان ملتی فرصت تاپدیقدا آیاغا قالخیر و اؤز میللی حکومتینی یارادیر. اوتانماز - اوتانماز «شرح زندگانی من یا تاریخ اجتماعی و اداری دورۀ قاجاریّه» (1400، سه جلدی) آدلی کتابینی دا یازیر. بورادا فارس دیلینین یایماسیندا، اؤزللیکله تورک دیلینی ازمکده اؤزونه گووه نیر و انگلیس سیاستینه، رضاشاه دیکتاتورلوغونا ائتدیگی خدمتلری ساییر. او یازیر: "بلی من هیچ‌وقت اجازه نمی‌دادم که روضه‌خوان در مجالس ختم، ترکی بخواند و در سخنرانی‌های خود می‌گفتم که شما اولاد واقعی داریوش و کامبیز هستید؛ چرا به زبان افراسیاب و چنگیز حرف می‌زنید؟ من زبان فارسی را که زبان نوشتن و تدریس و زبان رسمی و عمومی است، ترویج کرده‌ام… » (گذشته چراغ راه آینده است، ن. جامی، چ دوم، ۱۳۶۲، صص ۲۷۲ـ۲۷۱)

مستوفی دان سونرا احمد محسنی آذربایجانا گلیر. محسنی رئیس فرهنگ اولور. بو دا همان تیپ لردن دیر.

احمد محسنی دئییر: "هر کس که ترکی حرف می زند، افسار الاغ به سر او بزنید و او را به آخور ببندید." (زبان مطبوعات، عبدالرحمن فرامرزی، به کوشش رحیم سعیدی، تهران انتشارات ابن سینا، چاپ اوّل، 1349، ص 119 ـ نقل از مقالۀ «پیام به پیشه وری» به قلم نوشاد کیهان، شماره 863، مورّخۀ 26/10/24) اونون آردیجا گلن کیمدیر؟ ذوقی آدلی بیر باشقا قانماز.

ذوقی رئیس فرهنگ یا آموزش و پرورش اولور. تورکجه دانیشانلاری جریمه ائتمک اوچون مدرسه لرده – ابتدایی دبستانلاردا جریمه صاندیغی قویور. بو زامانین معلم لریندن بیری یازیر: : "روزی هنگامی که میرزاقنبر نامی سر کلاس اوّل ابتدایی تدریس می کرد و طبق معمول به بچه ها می گفت: آب؛ یعنی، سو؛ نان؛ یعنی، چورک؛ بابا نان داد؛ یعنی، دده چؤرک وئردی. ذوقی به همراهی بازرسی که از تهران آمده بود و مدیر مدرسه وارد کلاس می شوند. ذوقی پس از شنیدن نحوۀ تدریس میرزاقنبر از مدیر مدرسه می پرسد، چرا آموزگار شما ترکی صحبت می کند و مدیر توضیح می دهد، که بچه ها معنی کلمات را نمی فهمند. او کلمات را به ترکی تفهیم می کند.

ذوقی می گوید: این درست نیست. برای تفهیم کلمات باید آنها را به بچه ها نشان داد. آموزگار برای فهماندن معنی کلمۀ "نان" باید تکّه نانی به آنها نشان دهد و برای تفهیم صدای خروس، باید صدای خروس دربیاورد. تا بچه ها فارسی را به جای زبان مادری یاد بگیرند! البتّه باور کردنش سخت است، ولی متأسّفانه حقیقتی است تلخ! " (گذشته چراغ راه آینده است، ن . جامی، تهران، انتشارات ققنوس، چاپ دوم، 1362، صص 273 ـ 272) یعنی بو آدان نان معناسی تورکجه چؤرک اولدوغونو دا دیله گتیرمه مه لی دیر! اؤزویله چؤرک آپاریب و اونو گؤسترمه لی دیر. گؤرون ملتیمیزین باشینا نه لر گتیرمیشلر!؟ بو حرکتلر انسانا یاراشان دیر؟ بونلار محاکمه اولمالی دئییلدیرلر؟

احمد محسنی نین 1305جی ایللرده انسانلیغا دوشمن اولان ایشلرینی بؤیوک عالیم: جبار باغچه بان دیلیله اوخوماق گؤزلدیر. ایستردیم نئچه – نئچه بو خائن آدامین عمللرینی باغچابان دیلیله اوخویاسینیز. (زندگینامۀ جبار باغچه بان به قلم خودش، تهران، انتشارات مرکز نشر سپهر، چاپ اوّل، 1356، ص 80).

گؤرورسوز: استاندار کیمدیر، مستوفی - تبریز اهلینی خر خطاب ائدیر، رئیس فرهنگ احمد محسنی تورکو دانیشماغی مدرسه لردن علاوه مچیدلرده ده قدغن ائدیر و ذوقی یئنه رئیس فرهنگ، مدرسه لرده تورکجه دانیشان اوشاقلاری سویور و جریمه ائدیر! بونلار خائن دئییلدیر بس نه دیر؟

بوندان بؤیوک بیر خائن ده وار. شیخ الاسلامی آدلی. او بونو اؤنرله ییر: اوشاقلاری آنا – آتالاریندان آییریب باشقا یئرلرده فارسیجا دانیشماغی و فارسینی اؤیرنمه یی پیشنهاد ائدیر! بونا دا اشاره ائده جه یم.

بونلارین یانیندا دانشگاهلارا اوستاد دئیه رک آداملار تربیه ائتمه لی دیرلر. اقبال آشتیانی، علی اصغر حکمت، سعید نفیسی، محمد قزوینی، فروزانفر، و یوزلرجه باشقالاری. بونلار درسلیکلر یازمالی دیرلار. تاریخ، ادبیات و باشقا باشقا درسلیک کتابلاری گرکدیر. بونلارین دا بئیین لرینده تورکلرله دوشمنلیک واردیر. دیلیمیزی آلچاقلاندیرماق، ملتیمیزه توهین ائتمک، اونلاری پیسله مک، وحشی و کؤچری تانیتماق و مین بیر حقه بازلیق. توهین، تحقیر ایله تورک دیلینی نابود ائتمک . بو طریقیله آذربایجانلی یازیچیلار و معلم لر ده تورک دیلینه رغبت گؤسته ره بیلمه سینلر!

اقبال آشتیانی بونلارین بیری دیر. تامام جسارت و اوزلولوقلا یازیر: "تاخت و تازهای مختلفه اقوام مغول و ترک و مهاجرتهای ایلات ترکی‌زبان به این نواحی، بتدریج ایرانی‌های فارسی زبان را ترک کرده و این یادگار شوم؛ یعنی، ترکی را که هنوز هم دشمن ایرانیّت و فارسی است از خود باقی گذاشته است. » (مجموعه مقالات عباس اقبال آشتیانی، ص ۲۶۲ )

اقبال غیرفارس دیللری حاققیندا چتین توتماق سیاستینی پیشنهاد ائدیر. او یازیر: بایکوت ائتمکله بو دیللری تنگنادا ساخلایاق بلکه فارسیجادا حل اولوب آرادان گئتسینلر. (مجله یادگار، 1324). عبّاس اقبال آشتیانی "زبان ترکی در آذربایجان" عنوانلی مقاله سینده یادگار مجله سینده ۱۳۲۴ ایلده یازیر: "زبان شعر و ادب در آذربایجان همیشه فارسی دری یعنی همان زبان رودکی و فردوسی و حافظ و سعدی و زبان تکلّم مردم، فارسی آذری یعنی لهجه‌ای قریب به لهجه تاتی (لهجه مردم تالش و اران) و شبیه به گیلکی بوده و سخن‌سرایان بزرگ آذربایجان مثل قطران شیخ محمود شبستری و خواجه همام‌الدّین و شیخ صفی‌الدّین اردبیلی و سیّد قاسم انوار همه به زبان شیرین دری شعر گفته‌اند و با اینکه در بعضی از گفته‌های ایشان مثل خواجه همام‌الدّین و شیخ صفی‌الدّین اردبیلی به زبان فارسی آذری هم دیده می‌شود، و در هیچیک از آنها نه اینکه یک بیت بلکه یک کلمه ترکی هم نیست و این خود بهترین شاهد است که مردم با ذوق آذربایجان بهیچوجه به ترکی اعتنایی نداشته‌اند، یعنی اگر شعر می‌گفتند به فارسی دری می‌گفتند و اگر هم میان خود تکلّم می‌کردند به فارسی آذری بوده است." ( زبان فارسی در آذربایجان ص ۱۵۶ ـ ۱۵۵ ). ادبیات اوتاغیندا بونلارین جوابینی وئره جه یم. آدی چکیلن شاعیرلریمیزین تورکجه دیوانلاری واردیر، بو یالانلاری یازمیشلار و بونا اینانیرمیشلار کی خالقیمیزی نئچه ایل یوخلاتسالار، داها اؤز دیللریندن خبرسیز اولاراق اونا قاییتمایاجاقلار. قاییتسالار دا اللرینده بییر زاد یوخ.

البته سعید نفیسی ده بئله دیر. قاسم انوار دیوانیندا تورکجه غزللری غلط یازماقلا چالیشیر تورکجه اولدوقلارینی گیزلتسین.

اقبال دا اؤزونو دوشونمزلیگه ووروب تامام تورکجه یازیلان شعرلری عمدی اولاراق آذری آدلاییر. البته بو زامان کسروی آذری آدیندا بیر دیلی کشف ائتمیشدیر!

احمد کسروی همان آدامدیر کی آذربایجانلی اولاراق انگلیس سیاستی نین باشدا عملی اولماسینا یاردیمچی اولابیلیر. کسروی 1305جی ایلده "زبان آذری زبان باستان آذربایجان" کتابی نی یازیر و "سِر" لقبینه مفته خر اولور. استعمار "ایلانی اؤزگه الیله توتماق" سیاستینی کسروی الیله انجام وئریرلر. کسروی آذری زبان باستان آذربایجان اثرینی او زامان یازیبدیر کی هله جواندیر، سودالار باشیندا وار، نوکرلیک یولو ایله بو سودالارا چاتماق آرزیسیندادیر. بیلیریک انقلاب مشروطه نی 1313دن باشلاییر و 1320 ده بیتیریر. پهلوی، ائرمنی و باشقا دیللری سونرالار اؤیره نیر. آذری کتابینی یازاندا هله دیلچی لیکدن هئچ بیر معلوماتی یوخودو. بیلیرسینیز بوگون دیلچی لیک علمی تامام بو یازیلاری رد ائدیر. بوندان علاوه بورادا گتیردیگی آذری دیلیندن نمونه لر بللی اولوبدور کی تات و تالیش دیلیندن دیر و آذری آدیندا بیر دیل یوخدور و بوگونه قدر ده هئچ بیر نمونه تاپیلماییبدیر. عرب قایناقلاریندا یازیلان آذری – آذربایجان اهلی دئمکدیر و دیله عایید اولان بیر آذری ، آذریه و غیره تاپیلماییبدیر!

جواد شیخ‌الاسلامی (تولّد ۱۳۰۰ شمسی زنجان ـ فوت ۱۳۷۹ تهران)

شیخ‌الاسلامی دا تورک دیلی نین آرادان آپارماغینا ان ضد بشری و انسانا لایق اولمایان جنایتلری اؤنرله ییر. او یازیر:

" مي‌توان جوانان كم سال آذربايجاني و خوزستاني؛ اعمّ از دختر و پسر را به سيستم مبادلة جوانان كه در اروپا مرسوم است؛ براي يكي دو سال در خانواده هاي محترم فارسي زبان كه زبان متداولشان فارسي باشد؛ به عنوان مهمان پذيرفت و از اين راه به ترويج و تحكيم زبان فارسي ميان اين گروه سنّي (12 تا 16 سال) كمك كرد. (زبان فارسی در آذربایجان، ص ۴۴۱).

گؤردویونوز کیمی بو خیانتکار، بیر دیلی آرادان آپارماق اوچون، دونیانین بؤیوک جنایت لری نین یولونو گؤسته ریر. همان یولدور کی "ایندی­جِنِیسلر" Indigenes"" باشینا گتیرمیشلر و بوگون تامام دونیا، اونلاری جنایتکار و خائن بیله رک محکوم ائدیر. آمریکادا بو جنایت لر محکوم اولموشسا، ایراندا اجراسی اؤنرله نیر!؟

شیخ الاسلامی تورکی و عربی نی باشقا دیللردن خطرناک گؤستریر. او تورک لر و عربلری اؤز دیللرینه قویدوغو حؤرمتدن قورخور و یازیر:

" از میان اینگونه زبانهای محلّی، گسترش بیش از اندازه زبان ترکی در آذربایجان و توسعه نامعقول زبان عربی در خوزستان دو خطر بسیار اساسی است که هرگز و در هیچ مقطع زمانی، نباید دست کم گرفته شود." (همان ص ۴۴۲). بو فاشیستی گؤروشلر قارشیندا نه ائتمک اولار؟

شیخ الاسلامی بونا اینانیر فارسیجانی آذربایجاندا یایماق اوچون، تورک دیلینی نابود ائتمک اوچون دقیق برنامه لر یازیلمالیدیر بلکه گلن 50 ایل عرضینده عملی اولسون ( همان صص ۴۴۳ ـ ۴۴۲ ). جالب بودور کی او اینانیر آذربایجاندا بیر گؤزل دیل واریمیش آذری آدیندا. و یازیر: "نئجه کی آذری تورک دیلی ایله آرادان گئتدی بیز ده تورک دیلینی فارس دیلیله آرادان آپارمالی ییق."

" اگر زبان ترکی توانسته باشد زبان زیبای آذری را در مدّتی کمتر از هفتاد سال از صحنه تفوّق بیرون کند، با بودن رسانه های مقتدر گروهی و امکانات آموزشی وسیع که در دسترس زمامداران کنونی هست، می‌توان زبان فارسی را در عرض مدّتی مشابه (مثلاً پنجاه یا شصت سال) به نفوذ و گسترش سابقش رساند و با رخنه دادن آن به عمق شهرها و روستاهای آذربایجان، این مشکل ملّی و سیاسی را برای همیشه حل کرد. » ( همان ص ۴۴۴)

آخی دئین یوخدو آذری آدیندا بیر دیل یوخوموش، او دا هله گؤزل اولموش اولا! آنجاق بو ایشلرین هامسینی گؤردولر و بوگون ده شاهیددیرلر کی تورک دیلی فارسیجادان داها گؤزل و داها جانلی قالمادادیر. دیلیمیزین بؤیوک بیر پتانسیلی وار، آرادان گئدن دئییلدیر.

بو شوونیستیده اولان اوتانمازلیغا باخین: ایران­لا عراق ساواشیندا هامی – تورک، فارس، عرب ال­بیر اولوب دوشمن قارشیندا ساواشیرکن، بو فاشیستلر نه فیکیرلرده اولموشلار؟:

" جنگ کنونی میان ایران و عراق از قضا یک چنین موقعیّتی را عملاً به وجود آورده است و بر نیکوکاران شهر‌های مهمّ و فارسی‌زبان ایران (تهران، مشهد، اصفهان، یزد، شیراز، کرمان) واجب است که در صورت امکان برخی از خردسالان آواره این مناطق را که در گذشته به هر دلیل به یاد گرفتن صحیح زبان فارسی کامیاب نشده‌اند، در کانون‌های خانوادگی یا مجمع‌های تربیتی بپذیرند و با یک تیر دو نشان بزنند: هم از هم‌میهنان آواره خود دستگیری کنند و هم زبان ملّی کشور را به تلفّظ صحیح و ایران‌پسند آن به این خردسالان محروم و آواره یاد بدهند. » ( همان صص ۴۴۶ ـ ۴۴۵ )

شیخ‌الاسلامی دئییر: "اگر غفلت کنیم؛ فرصت از دست می‌رود و کودک پناهنده خوزستانی در زیر چادرها و در پیش پدر و مادرش زبان مادری‌اش را می‌آموزد و مشکلات کشور را بیشتر می‌کند".

" حقیقت این است که بازگشت این آوارگان معصوم به شهرها و خانه‌های سابقشان زودتر از پنج الی ده سال آینده عملی نیست و سرگردانی و بلا تکلیفی این مدّت نسبتاً طولانی ممکن است آنها را از آموختن زبان فارسی که سابقاً در مدارس خوزستان یاد می‌گرفتند محروم سازد، در حالی که در جوار پدر و مادر و دوست و آشنای عرب‌زبان، حتّی در زیر همان چادرها و خیمه های چاک خورده، همه شان زبان عربی را خواه ناخواه فراخواهندگرفت و مشکل آتی کشور را از این رهگذر شدیدتر خواهدساخت." ( همان ص ۴۴۶ )

داها بوندان فاشیست، بشر دوشمنی تاپماق مومکون دئییلدیر. البته بو زدالتلر بورادا بیتمه میش. او، تاریخه ده مراجعت ائدیر و تورک دولتلرینه توخونور و آغزینا گلن یامان یوغوزو سؤیله ییر. بو انسانیته قارشی اولان کیمسه لر تاریخده اولان جنایتکارلارین دا اوزونو آغاردیر. شیخ الاسلامی سلجوقلولارین دا یقه سیندن توتور و اولمایان یامان – یوغوزلاری اونلارا دئییر. بو آدام او قدر ساوادسیزدیر و تحریف یولوندا گئدیر کی یازیر: " در این تاریخ تقریباً یکصدو پنجاه سال از حکومت آل‌سلجوق بر ایران می گذشت ولی طغرل سوم تازه در ششمین سال سلطنتش شروع به یاد گرفتن خطّ و زبان فارسی کرده بود. » (زبان فارسی در آذربایجان، ص ۴۵۰ )

البته بو سؤزو او تاریخ کتابی راوندی نین راحه الصدور کتابیندان اوخوموش، آما او قدر تحریف اونلارین مغزینه گیرمیشدیر کی آنلامیر. حقیقت بودور کی بو پادشاه 13 یاشیندا سودای تعلیم خط و آموختن این فن شریف – یعنی ساواد اؤیرنمک یوخ، بلکه خوش خط یازماق – یوخسا تامام مورخ لر بیلیرلر طوغرول بؤیوک ساوادلی اولموش و 577جی ایلده "زین‌الدّین محمود بن محمّد بن محمّد را بخدمت خواند و تشریف استادی ارزانی داشت و این فنّ شریف را از وی بیاموخت". بورادا ساواد اؤیرنمه دن سؤز گئتمه ییر بلکه خوش خط دن دانیشیلیر. تحریف لر بئله اولور. ساوادسیز آداملار اله قلم آلاندا تاریخی ده پوزارلار.

محمّد قزويني (متولد 1256) مدرسه لرین درسی کتابلارینی یازماغا مامور اولور. خیانته باشلاییر. هم دیللره توهین ائدیر، هم تاریخی تحریف ائدیر. او، اروپا دا انگلیس سیاستینی اؤیره نیر و ایراندا دیکتاتورا خدمت ائتمک اوچون استعمارین بویروقلارینی اجرا ائدیر.

قزويني آذری دیلی نین طرفدارلاریندان دیر. کسروی بو رساله نی یازاندا ایلک آداملاردان دیر کی اونو تعریفله ییر.

قزوینی علّت بی توجّهی نویسندگان ایرانی به روشن کردن ماهیّت کلمۀ آذری و اثبات انتساب آن به فارسی قبل از کسروی را بدیهی بودن فارسی زبان بودن مردم آذربایجان در گذشته می داند

عارف قزوینی ایراندا تورکلره قارشی چیخان و خائن اولانلار آراسیندا هامیدان یوخاریدا دایانیر. عارف مشروطه زامانی بیر انقلابی اولاراق رضاشاهین ایش اوسته گلمه ییله بوئتونلوکده رضاشاها باغلانیر و اونون سیاستلرینه نوکرلیک ائدیر. بیر شوونیست کیمی یولا چیخیر. بوگون آذربایجانلی لار یانیندا بیر گستاخ، هتاک شاعیر کیمی نفرت یارادان آدام تانینیر. او قاجارلاردان آجیغی گلیرسه بو نفرتی آذربایجان ملتینه و تورکلره چئویریر. او قاجارلاری بئله تانیتدیریر:

تو عدل و داد ز نسل قجر مدار امید

کـه از نـژاد ستم، دادگـر نمی آیـد

عئینی حالدا اونون رغبتینه ده قولاق آسین:

بیار باده که از عهد جم همین مانده است

بیادگار، چه خوش عهـد و روزگاری بـود

و یئنه دئییر:

بدانکه مملکت داریوش و کشور جم

بدست فتنه ی بیگانگان نخواهـد مانـد

عارف قزوینی تورکلره نفرتینی باسدیرمیر:

همیشه روح تمدّن ز ترک منزجر است

ز من مرنج حقیقت چو بشنوی بپذیر ( دیوان عارف ص ۲۹۳ )

او تورکلری تاج و تخت دن الی بوش بیلیر، اوغورلوقلا تاج اله گتیرمیشلر:

عشیرتی که ندارد درفش و عار و تبـار

رسیده‌است ز دزدی به کاخ و تاج و سریر ( دیوان عارف ص ۲۹۴ )

عارف هله بو یامان یوغوزلا راضی اولماییب تورکلری وجدانسیز دا بیلیر؟!( دیوان عارف ص۲۹۴ )

عارف تورکلری هیز بیله رک رهبرلرینی ده بئله تانیتدیریر:

بدان که رهبر این قوم هیز چنگیز است

قیزیل قلم آذر Qizil Qelem...