علی اورمولودان نئچه شئعر چئویرمه لری

فریدون مشیری

کوچه

آی چیلر بیر گئجه سنسیز یئنه من، بیر ده دؤندوم کوچه یه

بویا – بوی اولدوم گؤز، سنی گزدیم آرادیم

سنی گؤرمک سووقو جان جامیمدان داشدی

اولدوم او وورغون عاشیق کی ئارایدیم

سنی یاد ائتمه ییمین قونچاسی آچدی جانیمین گیزلی ایچینده

گولدو یوز خاطیره باغی

سپدی یوز خاطیره عطری

یادیما گلدی منیم،

بیر گئجه بیر قوشا اؤتدوک کوچه دن

اوره یی اوخشایان او خلوتده قاناد آچدیق گزدیک

بیر ساعاتلیق دا او آرخین کناریندا بیز اوتوردوق

سنین او "قارا گیله"نده بوتون عالم سیرری

باخیشین یار منی حئیران ائتمیش

گؤی دورو، دینج گئجه، رام زمان، بخت گولر

آی تؤکوب تئللرینی سو اوزونه

و بوداقلار ال آتیب آی چیلره

چؤل، گئجه، داش ایله گول دینله ییرلر هامی بولبول آوازین.

یادیما گلدی دئدین کی،

        اوزاق اول بو عشقدن سن!

بیر قده ر دایان سویون سئیرینه دال

اؤته ری بیر سئمه یین آیناسی دیر سو

سن بوگون کی نیگاراندیر باخیشین بیر باخیشا

اوره یین اؤزگه لریله اولاجاقدیر صاباحی

بس اونوتماق – دئیه، سن بیر نئچه واخت بو شهردن سفر ائت!

من دئدیم کی:

                   ساقینیم سئوگی دن؟

                                         اولماز!

سنی من ترک ائله ییم؟

                              هئچ بو اولونماز!

ایلک گوندن کی گؤزوم سن دئیه پروازلاندی

و گؤیرچین واری او قوندو سنین ایوانینا

سن داش آتدین منه ، من اوزمه دیم ال ایسته دیییمدن

و دئدئیم کی:

  سن اؤزون اووچو         منیم چؤلون مارالی

گلمیشم هر یئزی گزمیش کی منی اوولایا سان سن

ساقینیم سئوگی­دن       اولماز

سنی ترک ائیله ییم اصلا بو اولونماز.

شاخه دن بیر گیله یاش داملادی دوشدو

سحرین نغمه کاری یاندیریجی سیزلادی گئتدی

یاش گؤزونده تیتره ک اولدو

آی سنین عشقینه گولدو.

یادیما گلیر کی سندن داها هئچ بیر جاواب آلماز

من غمین قوینونا قوجدوم

      اوزمه دیم ال ایسته ییمدن

اؤتدو غملر یاتاغیندا او گئجه یله آردی گلمیش گئجه لر ده

سن ده کی قلبی قیریق عاشیقینی یوخلامادین هئچ

بوله کی، اؤتمه ییرسن بیر داها او کوچه دن سن

سنسیز آمما نئجه حالیله کی اؤتدوم کوچه دن من.

                                                        ع. اورمولو

                                                         10/8/79

آدسیز

یئنه ده گؤروشه ریک

مئینه لر گ.لن واختدا

       مئی گولومسه ین واختدا. . .

سفره جییه دوزه رم موشتاق پیاله سینی

سیله رم گؤزلریمین ژاله سینی

نورلانار نوشا – نوش

قدحین یئددی خطیندن اؤته ریک

                                      اویونجا مئی له نه ریک

گزیب ایستک باغینی یاز عطریبه هئی له نه ریک

اؤزو بیر عالم اولار

                  آچاریق پنجره نی

                               پیرلایار، شعره قونار. . .

                                                   ع. اورمولو

                                                   30/9/94

***

ما لعبتکانیم و فلک لعبت باز

از روی حقیقتی نه از روی مجاز

یکچند درین بساط بازی کردیم

رفتیم به صندوق عدم یک یک باز

                                     ترانه های خیان – صادق هدایت (ص 85)

بیزلر اویونجاغیق فلک اوینادان

بو بیر حقیقتدی دئییل هئچ یالان

نئچه واخت قاتیلدیق بو اویونا بیز

یوللاندیق یوخلوغا بیر – بیر بوردان (یوللاندیق یوجلوغا چیخدیق آزادان)

                                                        ع. اورمواو – 1384

***

گر باده خوری تو با خردمندان خور

یا با صنمی لاله رخی خندان خور

بسیار مخور ورد مکن فاش مساز

اندک خور و گهگاه خور و پنهان خور.

                                           خیام

مئی­لنسن اَیَر بیلنلریله نوش ائت

یاکی گولر اوزلو صنم ایله نوش ائت

هر دم پئشه ائتمه ، ایچمه یی سالما اوزه

آر ایچ، آرا – بیر، گیزلی دمیله نوش ائت.

                                              ع. اورمولو – 1/3/84

***

در من این عیب قدیم است و به در می نَرَوَد

که مرا بی می و معشوق به سر می نَرَوَد

خواستم تا نظری بنگرم و باز آیم

گفت از این کوچه ی ما راه به در می نَرَوَد.

                                            سعدی

منده بو عیب قدیمدندی یادیمدان چیخمیر

یار ایله مئی سیز اولوم هئچ ده باشیمدان چیخمیر

ایسته دیم باش ووروم آنجاق، یئنه اوردان قاییدیم

باغلیدیر کوچه، هئچ یئره بوردان چیخمیرو

                                             ع. اورمولو – 23/1/95

***

اسرار ازل را نه تو دانی و نه من

وین حرف مغمّا نه تو خوانی و نه من

هست از پسِ پرده گفتگوی من و تو

چون پرده برافتد نه تو مانی و نه من.

                                      خیام

ازلین سیرلارینی نه سن آنارسان نه ده من

بو معمّالی سؤزو نه سن قانارسان نه ده من

پرده نین آرخاسیندا سؤز سن ایله مندن وار

اونداکی پرده دوشر نه سن قالارسان نه ده من.

                                     ع. اورمولو – 3/3/84

***

هر ذره که بر روی زمینی بوده است

خورشید رخی، زهره جبینی بوده است

گَرد از رُخ آستین به آزرم فشان

کان هم رُخ نازنینی بوده است.

                                  خیام

یئر اوزونده هر ذره کی وار ایمیش

گونش اورلو، آی چؤهره لی یار ایمیش

توز قونموش قولونو یاواش سیلکه­له

او دا گؤزه ل اوزلو بیر نیگار ایمیش.

                                   ع. اورمولو

***

صبحدم مرغ چمن با گل نوخاسته گفت

ناز کم کن که در این باغ بسی چون تو شکفت

گل بخندید که از راست نرنجیم ولی

هیچ عاشق سخن سخت به معشوق نگفت.

                                         حافظ

ساری کؤینک دان آتان چاغدا دئدی قونچا گوله

گؤرموشوک چوخلارینی سن داها نازلانما بئله

گول گولرکن دئدی دوز – دوغرو سؤزه اینجیمه­ریک

هئچ بیر عاشیق قیماییب سئوگی سینه بؤیله دئیه.

                                        ع. اورمولو – 12/5/93

***

باز آ، باز آ، هر آنچه هستی باز آ!

گر کافر و گبر و بت پرستی باز آ!

این درگه ِ ما درگه نومیدی نیست

صد بار اگر توبه شکستی باز آ!

                          ابوسعید ابوالخیر

دؤن گل، بری گل، هر نه کی اولسان بری گل

کافیر یا گووور یوت سئوه ر اولسان بری گل

هر کیم اولاسان اومید وئریر درگاهیمیز

یوز تؤوبه نی ده اونوتموش اولسان بری گل.

                                      ع. اورمولو

***